SUNETIJA HI OBREDO KANA ĆERDOL O SUNEĆENJE E ČAVREHKE KE MUSLIMAJA. KUVA ZAKONO ANDAH O MUHAMEDO. KULEHA O ČAVRO ANELPE ANE ISLAMSKO ZAJEDNICA, VOV HI OBAVEZA TE PREPORUKA ANO ISLAMO. SAH TRIN ROMANE PERE HI MUSLIMANSKE VJERAHKE ALI SAMO DUJ ĆEREN KAVA OBREDO. SAMO E ČERGAJRA NI ĆEREN E SUNETIJA. KANA INAJ LOVE ĆERDOLPE MAJCINONO VESELJE, ALI MAJBUT ČEREN ORGANIZOVANO VESELJE KAJ KOŠTI DŽI KE 2-3 MILJE, A TE KAMEN ŠAJ ĆERDON I MAJBARE KUVA ZAVISI GAĆI HI O DOMAĆINO BARVALO. KUTE DENPE POKLONUJRA KAJ IRINPE PE MJANGLUNE SUNETIJE, GIJA VON MAŠKAR PEH IRIN TE GIJA POMOŽIN JEK JEKE. I KE ROMA I EGIPĆAJA E SUNETIJA ĆERDOL ISTO. O ČAVRO KANA PEREL ŠTARTO BRŠ, ALI ŠAJ I MAJRNO TE MANGLJOLPE. ANE MAJPALUNO VRIJEME E SUNETIJA ĆERDOL ILI ĆERE KANA AVEL O DŽAFAR ILI KO DOKTORI KAJ KOŠTI 50 EVRE. HI MAJBUT DŽAFAJRA ALI MAJMILI HI KULA ANDAR O ULCINJO. NEKO IDJAREL PE ČAVREN I PE KOSOVA. ADETO HI E ČAVREHKE DUJ TRIN DJIVE ANGLAL O SUNETO O KREVETO TE UKRASIPE RAZNONE BOJAVENCA, NEVI PLAVI ČRŠAFUJRA TE TODON TE AMAJLIJE TE ARAKENLE. KU IJRAT O KREVETO ARAKHEN MAJPURANE ROMNJA. UŠTRNAHA AVER ROMNJI A NA LEHKI DEJ NAJARELLE, URAVEL LE TE IDJAREN LE ANE BOLNICA. KANA IRIPE ANDAR E BOLNICA E MUZIKAHA TE BUKAHA ADJIĆARENLE. TOVEN E ČAVRE ANO KREVETO TE KU ROMNJA ARAKENLE., AVEL LEHKI RODBINA TE DIKENLE TE TE MUKEN LEHKE LOVE PO KREVETO. ADJIVE KA OBREDO HI ANE DUJ DJELUJRA-DJIVEH KAJ HI SAMO E MAJPAŠE A PALE DUJ TRIN DJIVE HI O BARO SLAVLJE. KANA E ČAVRE SUNETIN ĆERE PUĆINEN E DŽAFARE TE AVEL, PONEKO I E HODŽA. ANE SOBA HI SAMO E MURUŠA. E DEJ AČEL ANGLE PENDŽERAVA E ROJENCA ANO PAJ TE MAJLOKAREL E SUNETIJA TE NAKEL SAH U REDU. A NESAVE PAŠE AKAVA DEN JAG I E MEMELI. PE SUNETIJA IKHARDOL BARO BROJO GOSTUJRA KAJ IKARDON E CIGARAHA ILI RAĆIJAHA KURKO DJIVE ANGLA KUVA. AVEN UPAŠARAĆA E ŽEŠKINJE ANEN POKLONUJRA SR KAJ HI POSTELJINA ILI FIJESO E ČAVREHKE. O ČAVRO IDJAREL POSEBNI PATAVE, PLAŠTO, ĆADJI TE RUVLJI. KANA DEN ANE SALA E DEJ VODI O KOLO E ČAVREHA A E GOSTUJRA TOVEN E LOVE PE LEHKI ŽADJI DOK VOV ĆELEL. KANA IKANEN O MAS PE SOFRA JEK IDJAREL O TABAKO TE TOVENPE E LOVE A JEK ŠKURI SO HI DINO.PALE KULEH ZAVRŠIPE O SLAVLJE TE E GOSTUJRA DŽANTAR. KALEHA HI PODIJELIME O PRVO DJIVE KANA HI KUTE SAMO E FAMILIJA A O DUJTO DIJELO HI TE IDJAREL E ČAVREH ANO PERO TE DOBI DRUŠTVENO STATUS KAJ DOBI SAH ČAČIMATA SAR RAVNOPRAVNO ANE KUVA DRUŠTVO